Dí na íarang an musa,
nakalihis na an lira,
di nang nagámit na poeta,
minsán an nangatorogan
na bagong kasangtawohan
naghahanap ngáning tunay
pasabong sa ibang bagay.
Ngunyan, kun an bandingan67
piriton na magkaogdan
mga áwit na dalísay,
Helicón dai iarang,
an garcon hinahagadan
sarong tásang café lámang.
Nin katongohan sa baldit,"
na sa pusó napalódok,
sarong tulá ginogúhit,
nin batbat nganí na sipol,
sarong mapagtuyang horon,
tataramon na paólok.
Musa, na kan panahón
sakuya ka nagpasabong
nin rawitdawit na gayo,
pagkamoot na totoo,
ngunyan sakong kaipuhan,
sarong espada na túnay,
sarong sálog na bulawan,
sarong prosa na malabsay.
Sadya nyákong kaipuhan
na ako mangatanosan;
magísip, makilaban,
asin magtangis, kun minsán,
tara, an muyang dalisay
nin makuri na pagmahal,
magkakanigó na túnay
nin labis na kasakitan.
_____
166 Sa sakuyang musa.
167" Imaginacion.
168 Verses.
