Ngunyan ayaw nang sangtaón,
Poón kan ika dumatong,
Na iyo pa sana lámang,
Digdi kainihong pangpang,
Bílang samong gobernador;
Poon kaidto maláad,
Hininguha mong banáyad,
Aldaw, banggi, daing líat,
An karahayan nyang177 labat;
An saímong kahimonan
Daí, máyong nalilingwan,
Sa gabós nataong buhay:
Sa banwaan, sa kadlagán,
Síring man sa kadagatan.
Kan saimo na pagdatong,
Sa masanggáyang baybayon,
An póok na inihong siblag
Kan solong, baybay na háyag,
Sa mata mo namantáag;
An gabós na kasakitan,
Simo ngáning isinikwal,
Asin sa pagmamalasakit,
Na dai, máyong kaagid,
Sa malápok na cocyto,178
Sa solog na di malúpig,
Sadya nganing binugtak mo
An énot na tulay,
Na nakitang totoo.
Kan samuyá na distrito.
177 An karahayan kan banwa. 178 Salog nin inagrangay.
