Manta sa saimo guican an gabos ná
mga pagsumbical sa sacuyang ama
pinagluluba co dai mayong iba
saquit an madatong na maguiguia bugña
Caya maherac cang aco lilingyon mo
ta ica an ragña caining buhay co
ogaring dai mo talastas na gayo
napipinta taca digdi sa daghan co
Magpoon caid to sacong nadugñauan
sa pagcarigos mo bobon na sacduhan
di ca napapara sasacuyang daghan
pagcamoct símo di nal ligñauan
Gadanon man aco halean guinhaua
sa oras na iai caogmahan co pa
dai co bobotsan capot cong granada
na con bacong ica sacuyang maquita
Sacuyang sabihon can quina-agahan
an mga torneantes tiripon nang anan
sarisaring gubing pinaluas naman
sagcod sa cabayong quinacabayoan
Siring man guiraray nangyari can enot
dai bi ob tsán an granadang capot
ni iquiling lamang mata itorohoc
sa caguincohan coronadong bantog
An Hadeng Monarca di nacapagtaram
sa macuring sopog sa caguinoohan
sa sadiring boot ini an inolay
¿ano dao an mundo can Infantang mahal?
Na minsan villanong tubó sa cadlagan
con iyong may suerte na sia aponan
daing duadua an Infantang mahal
icacasal tolos na dai nın liban
Nagñagralacao na an mga soldado
linibot an ciudad nin mga ministro
villano man gayod na bastang soltero
ipinagpresentar sa Real Palacio
