35 Asin pacapacoan saiya sa crúz, pinagbaragñá sa sainda man saná an saiyang magña gubing, pinag-surugalan; ta gñaning maotob an isinabi nin profeta:
36 asin nagturucao, pinagbarantayan sia dihan.
37 Asin ibinugtac ninda sa ibabao nin saiyang payó an saiyang dahelan, nasusurat nin siring: INI IYO SI JESÚS, AN HADE NIN MAGÑA JUDIO.
38 Dagñan ipinaco man sa caiba nia si duang tulisan, an saró sa toó, asin an sarò sa ualá.
39 Asin an magña nagaragui nagsasarabi saiya, nin magña rapsac, na nagtagño-tagño can saindang magña payó,
40 asin nagsasarabi, Icá na guinagabâ mo an templo, asin sa tolong aldao pinatitindog mo ini, magligtas ca sa saimo man saná. Cun icá Aqui nin Dios tomanggal ca sa crúz.
41 Siring man an magña poón nin magña sacerdote pinagrarauayan man sia, cairiba nin magña escriba, asin can magña camaguragñan, nagsarabi,
42 Sa magña iba nacaligtas, sa saiya day nacacaligtas. Cun iyo an Hadê nin Israel tomang-gal sia gñunian sa crúz, asin magtuturubod cami sa saiya.
43 Naglaon sia sa Dios; iligtas sia gñunian, cun baga namomoot saiya; huli ta sominabi, Acó áqui nin Dios.
44 An magña tulisan na caiba niang napapacô sa crúz, nagñagrarauay saiya nin siring man.
45 Asin magpoón sa oras nin sexta* nagdielom sa ibabao can bilog na dagâ, sag-cod sa oras nin nona.†
46 Asin can harani na an oras nin nona, si Jesús nagcurahao sa daculang tigñog, na nagsabi, Eli, Eli; lama sabactani? na boót sabihon, Dios co, Dios co, ¿tádao ta pinabayaan mo acó?
47 An magña iba na magña didihan, can madagñog ini, nagsarabi, Si Elias an inaapod caini.
A las-12-nin aldao.
† Alas-3-nin hapon.
