18 Asin an magña discipulo ni Juan asin magña Fariseo nagñag-aarayuno: asin nagpangdirigdi sinda asin nagñagsarabi saiya, ¿Tádao ta nag-aarayuno an magña discipulo ni Juan asin an magña discipulo nin magña Fariseo, alagad an saimong magña discipulo day nagñag-aarayuno?
19 Asin si Jesús nagsabi sainda, ¿Papânón dao an pag- aarayuno can magña cairiba can quinasal, na didihan pa sinda sa caibahan can agom na lalaquí? Na dihan pa sa caibahan ninda an agom na lalaqui, day sinda macapag-aarayuno.
20 Alagad madatong an magña aldao, na an agom na lalaqui hahalêon sa sainda, cun mangyayari na ini, mag-aarayunona sínda sa aldao na iyan.
21 Day nin si-isay man na magbugtác nin tagabang na gubing na bago sa gubing na daan, ta cun siring caini, an bago guiguision, an daan, asin napapacaraot logod an caguisian.
22 Asin day nin si-isay man na magbugtac nin arac na bago sa magña anit na daan: cun siring caini, maguiguisi can arac na bâgo an magña anit, asin an arac mauuli, asin an magña anit madadayhan nin halagá: cundi an arac na bago ibubugtac sa magña anit na bago man.
23 Asin nangyari man na can pag-águi nia sa caomahan can aldao nin paghignalô, si saiyang magña discipulo can naglalacao pa sinda, nagpuruquit can magña ohoy nin trigo.
24 Iyo-idto na an magña Fariseo nagsarabi saiya, ¡ Hiligñá ! ¿Tádao ta nag-guiguibo sinda can day canigoan pag-guibohon sa aldao nin paghigñaló?
25 Alagad sia sinabihan sinda ¿Day lamang nabasa nindo idto na guinibo ni David, can sia nagcaipo, asin sia nagtios nin cagotoman, sia, asin an saiyang magña cairiba ?
26 ¿Na naglaog sia sa harong nin Dios, can magña aldao ni Abiatar na cahorohalangcao na sacerdote, asin cominacan sia can magña tinapay nin proposicion, na idtó day maninigong
