9 Asin sinabihan nia an saiyang magña discipulo na anda- món an sarong sacayan na sadang, dahel sa cadaclán, ta gñaning day sia mapiotan:
10 Huli ta balaquidon an magña pinaomayan nia; nin huli gñani caini, nagñagsarabay sinda, ta gñaning madôtan sia can gabos na may namamatean na manlaen-laen na saquit.
11 Siring man an magña espiritung marompot, can sia nahiting, nagtirilaób sa saiyang atubang, asin na nagsororibao, na nagsarabi, Icá an Aqui nin Dios.
12 Alagad sia pinagbobotan sinda nin marigon na patanid na day sia ipagbuyag-yág.
13 Asin nagtucad sia sa buquid, asin inapod nía idtong magña na sa saiyang boót: asin sinda nagdaratong sa saiya.
14 Asin nagpili sia nin cagduá, na mag-oorontóc saiya, asin pagsosogoon man sinda sa paghulit,
15 asin tatauan man sinda nin cabagsican sa pagpaluás sa magña espiritung marompot:
16 si Simón na gñinagñaranan man nia Pedro;
17 asin si Santiago áqui ni Zebedeo, asin si Juan na tugang ni Santiago; na gñinagñaranan man sindang Boanerges, na an cabologan: Magña áqui nin dagoldol:
18 asin si Andrés, asin si Felipe, asin si Bartolomé, asin si Mateo asin si Tomás, asin si Santiago na áqui ni Alfeo, asin si Tadeo, asin si Simón na inaapod Celador,
19 asin si Judas Iscariote, na guminibo saiya nin capasaloi- ban. Asin na nagdirigdi sinda sa harong.
20 Asin nagñagtiripon linat an cadaclán, nin huli caini day- na gñani sinda nacapagcaracán nin tinapay.
21 Asin pagcadagñog can saindang magña catood, nagñag- ruluas ta magdadaracop saiya: huli ta nagñagsarabi, na na- rorogñao sia.
