19 Sinda gñani nagporoón pagmorondó, asin nagsabi saiya sarô-saro, ¿Acó dao?
20 Asin sia nagsabi sainda, Saro sa cagduá iyo; yaon caiba cong naglalânag sa pingan.
21 Huli ta an Aqui nin tauo padudumán siring sa násusurat dapit sa saiya alagad ¡horac nan caidtong tauo na huli sa saiya an Aqui nin tauo pinasaloiban! ¡marahay pa na nang- yari sa tauong siring, na noarin pa man day sia logod ipina- gñáqui!
22 Asin can pagcaracan ninda, si Jesús nagcuá nín tinapay, asin benendicionan, pigbaragñâ ini, asin itinaó sa sainda, na sominabi, cuaon nindo, ini iyo an hauac co.
23 Asin quinuá nia an copa, paca pagpasalamat, itinaó sainda asin na nag-irinom caini an gabos.
24 Asin sinabihan sinda, Ini iyo an sacong dugó nin bagong tipan, na ini mabolos huli sa cadaclán.
25 Sa catotoohan sasabihan ta camó, na day na acó magiinom can bugña nin uvas, sagcod caidtong aldao na magüinom aco nin bago sa cahadêan nin Dios..
26 Asin pacaarauit nin sarong himno, nagdurumán sinda sa buquid nin magña Oliva.
27 Asin si Jesús nagsabi sa sainda, Camó gabos magcacaiguá nin capanalêan: huli ta násusurat na, Lulugadan co an pastor, asin magcacauarasác an magña carnero.
28 Alagad an pagcabuhay co liuat, mag-eenot acó sa saindo sa Galilea.
29 Alagad si Pedro nagsabi saiya, Minsan an gabos mag. caiguá nin capanalean alagad acó day.
30 Asin nagsabi saiya si Jesús, Sa catotoohan nagsasabi acó ga saimo, na ica, gnunian, na banguing ini, na day pa minatoraoc an manóc nin macadná, magpapainda ca sa sacô nin macatoló.
31 Alagad sia nagtaram sa marigon na pagpasarig, Minsan pa macaipuhan na acó magadán sa caiba mo, day tacá papain- dahan. Siring man an gabos nagñagsarabing iyo man.
