46 Asin pacabacal caini nin sarong génerong puti, tinangal sia sa cruz, asin pinatos sia sa generong puti, asin ibinugtac sia sa sarong lolobguan na nacocotcot sa sarong daculang gapô; asin pinaliguid an sarong gapô sa pinto nin lolobgñan.
47 Asin si Maria Magdalena, asin si Maria na ina ni José pinaghiriling cun saen sia nabugtac.
1 Asin can macaagui na an aldao nin paghigñaló, si Maria Magdalena, asin si Maria na ina ni Santiago, asin si Salomé nagbaracal nin magña pahamót ta madirigdi sa paglahid sa saiya.
2 Asin maatabon pang gayo, can naenot na aldao nin sema- na, nagdaratong sa lolobgñan, sirang na an aldao.
3 Asin na nagsarabi sinda man saná, ¿Si-isay dao an satong mapaparocay can gapô sa pinto nin lolobgñan?
4 Asin can magtaragñad can magña matá, nahiling ninda na si gapo rocáy na; huli ta labi-labi cadacula.
5 Asin paglaog ninda sa lolobgian, nahiling an sarong baróbata na nacatucao sa toong caguiriran, nacagubing nin sarong gubing na maputi; asin nagcatiricbahan.
6 Alagad sia nagsabi sa sainda, Day camó magcatiricbahan: naghahanap camó qui Jesús na tagá Nazaret, na sia ipinaco sa crúz: sia nabuhay na; day sia digdi: ¡hilgion nindo an lugar na binugtacan ninda sa saiya!
7 Tará magralacao camó, sabihan nindo an saiyang magña discipulo, asin si Pedro, Sia ma-cenot sa saindo na padumán sa Galilea; duman sia nindo mahihiling, si-ring sa isinabi nia sa saindo.
8 Asin nagruluas sinda, nagdorolag sa lolobgñan; huli ta inabot sinda nin tacot asin táquig: asin day sinda nagsarabi nin anoman sa qui-isay man, huli ta nagcacataracot.
