SAN LUCAS.
1 Huli ta balaquidon na gayo au magña naggayac na maghusay can agui-agui nin si magña bagay, na manogñod sa satuya anan na magña catotoohan nangayod,
2 Siring sa pagca tocdoan sa satuya caiyan, caídtong magña magpoon sa capinonan nagñag-pacahiling caiyan, sa saindang magña matá, asin sinda an naguing pinaniualáan can tataramon;
3 Pinag-marhay co na, nin si pagcatalastasi co can gabos na magña bagay na hinigñoa co póon sa capinônan, isurat iyan sa saymo siring sa pagca-sorosoronod, oh marahayon na gayong si Teófilo,
4 Tagñaning mamidbid mo an catotoohan can magña bagay na dian caiyan tinocdóan ca.
5 Ygua can magña aldao ni Herodes, na Hadê sa Judea, nin sarong Sacerdote na an pag-gñaran si Zacarías, capagaraquían ni Abías; asín an saiyang agom, guiminican sa magña áquing babae ni Aarón, asin an saiyang gñaran si Elisabet.
6 Asin anan sindang magcasi magña banal sa atubang nin Dios, na nagñag lalacao mayo sinda niñ casagüêan sa magña togon gabos asin magña cabótan nin Cagurangnan.
7 Asin day mayô sinda nin áqui, huli ta si Elisabet ay bauas, asin ta ragcasi na sinda magña magugurang.
