42 Alagad, ¡herac man sa saindo, magña Fariseos! na pinaghihinâan nindo an yerbabuena asin an ruda, asin an bilog na tanaman; alagad an paghocom asin an pagcamoot nin Dios pinalilihis nindo. Báros ta an magña bagay na ini caipuhan na guibohon, asin day pabayaan an magña iba.
43 ¡Ay herac man sa saindo, magña Fariseos! na namomoot camo can magña nasa sa enotan na magña tucauan dian sa magña sinagogas, asin can magña pagpatara-tará sa magña lansagñan.
44 ¡Ay herac man sa saindo, magña escribas asin Fariseos, magña mapagsaguin-saguin! na anan camong siring sa magña lolobgňan na day naquiquita, asin an magña tauo na naglalacao sa ibabao day nagpapacatalastas.
45 Asin can pagsimbag nin si sarò sa magña camadonogñan nin pagboot ó ley, nagsabi sa saiya: Maestro, can minataram ca caini, sinosopog mo man cami.
46 Asin siya nagsabi: ¡Ay herac sa saindo man, magña camadonogñan nin pagboot! na ninapasan camo can magña tauo na may pasan man na day nagpapacadará; alagad camo minsan gayod sa sarong morò day camo nacadôon can magña pásan.
47 ¡Ay herac man sa saindo! na nagñagpapatindog can magña lolobgñan nin magña profetas, asin guinaradan sinda nin si magňa magurang nindo.
48 Sa catotoohan nagtátao camo nin pagpatotoo na minaoyon camo sa magña guibo nin saindong magña caganác ó magurang; háros ta sa pagcatotoo sinda guinaradan idtong magña ito, asin camo nagpapatindog ó nagtotogdoc can sain- dang magña linobgñan.
49 Nin huli caiyan, an cadonogñan nin Dios nagsabi man: Sosobolan co sinda nin magña profetas, asin magña apóstoles; asin sa sainda an magña iba gagadanon asin an magña iba paglalamagon;
50 Ta gñaning sa capagaraquian na ini masigōil an dugó nin gabos na magña profetas, na nagñagborolos magpóon can paglalang nin quinában;
51 Magpoon sa dugo ni Abel, sagcod sa dugo ni Zacarías
