51 Naghohonâ camo na napadigdi aco sa daga sa pagtao nin catiuasayan? Day, sinasabi co sa saindo; condi caribucan.
52 Háros ta magpoon gñunian asin gñapit mangyayari na an lima sa sarong harong magcacasuruhay; an toló tumang sa dua, asin an dua tumang sa toló.
53 An Amâ masúsuháy tumang sa áqui, asin an áqui tumang sa Amâ; an inâ tumang sa babeng áqui, asin an babaeng áqui tumang sa ínâ; an panugagñan na babae tumang sa babaeng manugang niya asin an manugang na babae tumang sa panugagñan niyang babae.
54 Asin nagsasabi man sa magña tauo: Con nacacahiling camo nin pagñanoron na halê sa solnopan, dagñan minasabi camo: Má-orán; asin iyo man nangayod.
55 Asin cou minahoyop-hoyop an timog, minasabi camo: Mag-i-init asin igua man nangad.
56 ¡Magña masaguin-saguin! Tatao camong magsiasat can lauog nin lagñit asin nin dagâ; ¿asin tâ dao ta day nindo nagcacamiridbid an panahon na ini?
57 Asin tà dao ta minsan sa saindo man sana day nindo napagisip-isip itong catanosan ó matanos?
58 Cayâ con adoloc ica sa Magistrado ó Hocom na caiba mo an saymong cainal, maghigñóa ca na lomicay ca sa saiya sa dalan; ta gñaning day ca goyoron sa Hocom, asin an Ho- com itao ca sa alguacil ó may catongdan, asin ining may catongdan ilaog ca sa bilangôan.
59 Sinasabihan taca na day ca macacaluas duman sagcod na mabayadan an iyo na sanang marabilis.
1 Asin sa panahon man sanang ini duduman caito si nagcacapira na nagbabareta sa saiya dapit can magña Galileos, na an magña dugô caini si Pilato isinalac sa saiyang magña atang.
2 Asin can pagsimbag ni Jesús sinabihan sinda: ¿Naghohanâ camo na ining magña tagú Galileang ini, buli ta nagñagtirios sinda can magña bagay na ining siring, anan na magña paracasalâ pa sinda nin labí sa magña tagá Galilea gabos?
