14 Asin can pagsimbag can príncipe nin si sinagoga, angot ta si Jesús nagbolong can aldao na sábado, nagsabi siya sa pagiriba iguang anom na aldao na maninigong ipag-guibo; caya sa magña aldao na ini, pomadigdi camo asin mabobolong camo, asin bacong sa aldao na sábado.
15 Tará an Cagurangnan, siminimbag sa saiya, asin nagsabi; Para-saguin-saguin, an lambang saro sa saindo day inoobaran sa aldao na sábado an baca nia ó an saiyang ásno sa babahugan, asin dinádara na pinapainom?
16 Asin an áquing ini ni Abraham na uya digdi si Satanás nagagacdan sia may sampolò may ualo nang taón, ¿day naninigô saiya na mahubarán can gapus na ini sa aldao na sábado?
17 Asin can nagsasabi can magña bagay na ini, nagcasoropog si gabos niang magña caiual; alagad an bilog na banuaan nag-oogma can gabos na magña bagay na mamurauayon na anan guiniribo nia.
18 Asin nagsabi: Ano an na babaigñan co can cahadéan nin Dios, asin arin an aaguidan co caiyan?
19 Nacabaing iyan sa pisog nin mostaza na pag-cacuaa nin sarong tauo, itinanom sa saiyang tátamnan; asin nagtobó, asin naguing cahoy na daculâ, asin si magña gamgam nin lagñit nag-guiribo nin magña salag sa saiyang magña sagña.
20 Asin nagsabi liuat: Arin an babaigñan can cahadean nin Dios?
21 Nacacabaing iyan sa levadura na quinúa nin si sarong babae, asin isinalac niya iyan sa tolong tacad na guinalpong, sagcod na idto gabos ominosbog.
22 Asin nagaágui siya sa gabos na nagña ciudades patin magña nayón ó caomahan, na nagtotocdo, asin naglalacao pasiring sa Jerusalem.
23 Asin nagsabi sa saiya si saro: Cagurangnan, ¿Anan dáo na cacadiquit an magña naçacaligtas? Asin siya sinabihan sinda:
