33 Siring nangayod caiyan, an siysay man sa saindo na day pomabaya can gabos ó somayuma can gabos na magña bagay na sadiri, day maninigô na mani sacuyang discipulo.
34 An asin marhay nangayod; alagad con an asîn matúnao ó tomábang, ¿ano an icaca-iram?
35 Minsan manogñod sa dagâ, minsan pa sa tatapucan nin magna ati ó ramog bacong marhay; itatapuc iyan sa luas. Con siysay an may magña taligña sa pagbinañiog, maghinañiog.
1 Asin nagdadaralao sa saiya si gabos na magña publicanos asin magña paracasala sa paghinañiog sa saiya.
2 Asin nagririliblib ó nag-gogomodgomod si magña Fariseos asin si magña escribas, na nagsasarabi: Ini nagaacô nin magña paracasala, asin nagcacacan sa cairibahan ninda.
3 Asin siya ipinahayag sa sainda ining halimbauâ, na an olay:
4 Siysay an tauo sa saindo, na may sangatos na ovejas, con mauarâ an sarò caiyan, day babayaan an síam na polô may siam sa capatagan, asin paduman sa nauarâ, sagcod na mácua niya ito?
5 Asin con nacúcua ibinubugtac sa ibabao nin saiyang magña abaga, naoogma siya?;
6 Asin pagdatong sa harong, tinitiripon an magña catood asin an magña cataraid, na minasabi sa sainda: tâué aco nindo nin caragñahan, huli ta nácua co si sacuyang oveja na nauarâ.
7 Sinasabi co sa saindo, na siring man sana magcacaigua nin orog pang caragñahan sa lagñit dapit sa sarong paracasala na nagsólsól, qui sa siam na polô may siam na magña banal, na day nagcacaipo nin pagsólsól.
8 O siysay an babae na may sampolong pisos, con sacale baga mauarâ an pisos, day magpapadocot nin ilauan, asin maninighid sa harong, asin paghahanapon nin maigot sagcod na mácua niya ito?
