1 Asin nangyari sarong aldao na can magtotocdo sia sa banuâan duman sa Simbahan, asin nagbabalagñibog nin si Evangelio, nagpangdaratong sa saiya si magña poon nin si magña Sacerdotes asin magña escribas, sagcod nin si magña camaguragñan;
2 Asin naqui-pag-orolay sa saiya, na an magña sabi: Somabi ca sa samuya sa anong capangyarihan guinibo mo an magña bagay na ini? ¿ó siysay an nagtáo sa saymo can capangyarihan na ini?
3 Tará sa pagsimbag ni Jesús, sinabihan sinda: Háhapoton co camo man nin sarong tataramon; simbagon aco nindo:
4 An bautismo ni Juan. ¿guican sa lagñit, ó sa magña tano?
5 Alagad sinda nagisip-isip sa láog nin saindang boot, na an magña olay: Con somabi quita, na sa lagñit, sasabihon: ¿tâ dao baga ta day nindo tinutubod sia?
6 Asin con somabi quita, na sa imagña tauo, an bilog na banuâan gagapôon quita; huli ta nagtutubod sinda na si Juan profeta.
7 Asin nagsirimbag na day magña tatáo con sáen halê.
8 Dagñan si Jesús sinabihan sinda: Minsan man aco day masabi sa saindo con sa anong capangyarihan guiniguibo co an magña bagay na ini.
9 Asin nagpôon magsabi sa banuâan can halimbauang ini: Iguang saro catauo na nagtanom nin magña uvas, asin pinagpa-tagoram ito sa magña para bâbol, asin hominalê sia sa haloy na panahon.
10 Asin sa ca panahonau, nag-sogo nin sarong oripon sa magña para bábol, ta gñaning tâuan sia ninda nin sa bugña can tanaman; alagad si magña para babol pinaracol ito, asin isinobol na daing darang anoman.
