50 Asin uya digdi si sarong lalaqui na gñinagñaranan si José, na sia sarong senador, sarong lalaqui na marhay asin banal.
51 (na sia day timinogot sa cahatolan minsan sa magña guinibo ninda), tagá Arimatea, ciudad nin Judea, na sia man nag-hahalat can cahadêan nin Dios;
52 Ini nag-duman qui Pilato, asin hinagad an hauac ni Jesús.
53 Asin paca-tangala, pinatos idto sa sarong tamong, asin ibinugtac sia sa sarong lolobgñan na nacocot-cot sa gapong matagas 6 lâguit, na dian day pa nin siysay man na ibinugtae.
54 Asin naguin aldao na paghahanda nin Pascua; asin nagsisirang na an aldao na Sábado ó paghigñalô.
55 Asin si magña babae na nasa pagiriba niya magña halê sa Galilea, nagsoronod man, asin naghiriling nin si linobgñan, asin con pina-ano si pagcabugtacan can saiyang hauac.
56 Asin pagpuruli ninda nag-arandam nin magña mahamot asin magña ungüento; asin nagñag-pahigñalô can sábado siring sa natotogon.
1 Asin can enot na aldao nin semana pagcaaga, nag-duruman sinda sa linobgñan, dará si magña mahamot na saindang inandam, asin magña nagcápira pang babae sagcod sa sainda.
2 Asin nagca-arabtan ninda si gapô na na-buncal-na sa lolobgñan.
3 Asin can pagca-laog ninda, day na nagca-curúa si hauac nin Cagurangnan na si Jesús.
4 Asin nangyari, na can napapagñalas sinda caining nangyari, uya digdi na may duang lalaqui na nag-pagñontoc sa cataid ninda na may magña gabing na mabanang;
