4 Huli ta an saróng ángel nag-hihilig con panabon sa estanque, asin heneherô an tubig: an maenot gñani na macalusad sa laog, pacaherôá can tubig, naoomayan sa anoman na helang na namamatêan.)
5 Asin yaon dihan an saróng lalaqui na nag-titios nin tolóng polò may ualong taón-na can saiyang helang.
6 Can mahiling sia ni Jesús na nacahigdà, asin namidbid. na haloy nang panahon sa siring na bagay, sinabihan sia, ¿ Boót mong maomayan?
7 Sinimbag sia can naghehelang: Cagurangnan, day açó nin tauo na macadará sa saco sa estanque, cun an tubig maherôna; na con acó madumán, nacalosad na gñôna an ibá enot sa sacô.
8 Si Jesús nagsabi saiya, Bumuhat ca, darahon mo an higdaan mo, lomacao ca.
9 Asin tolos man saná naomayan idtong lalaqui; asin dinará an saiyang higdaan, naglacao.
Alagad nanggari ini sa aldao nin paghigñaló.
10 Nagsarabi gñani an magña Judio sa pinaomayan, Gñunian aldao nin paghigñalô, day ca maninigong magdará can saimong higdaan.
11 Tará sia nagsimbag sainda, Idtong nagpaomay sacô, sia man sana an nagsabi sacô, Darahon mo an higdaan mo, asin lomacao ca.
12 Sinda nagharapot saiya: ¿Si-isay an tauong yan, na nagsabi saimo, Darahon mo an higdaan mo asin lomacao ca?
13 Tará sia pinaomayan alagad day nia naaaraman cun si-isay, huli ta si Jesús siminuhay pacatapus; dahel sa saróng cadaclán nin magna tauo sa lugar na idtó.
14 Nacuá sia gñapit ni Jesús sa templo, asin sinabihan sia, Uya digdi, naomayan ca na; day caná magcasalâ, gñaning day mangyari saimo an orog pa caini caraot.
15 Naghalê an tauo, asin sinabihan an magña Judio na iyo si Jesús an nag-paomay saiya.
