43 Caya nagcapasuruhay an cadaclán dahel sa saiya.
44 Asin si magña ibá sa sainda boót na siang dacopon; alagad day nin si-isay man na nacadosmog sa saiya.
45 Nagduruman gñani si magña alguacil sa magña poón nin magña sacerdote asin sa magña Fariseo; asin sinda nagsarabi sa magña alguacil, ¿Tádao ta day nindo sia dinará?
46 An magña alguacil nag-sirimbag, Casoarin pá man day nin tauo na nag-tarám siring caining tauong ini.
47 Nag-sirimbag gñani sainda an magña Fariseo: ¿Camó man magña nag-cadarayaan?
48 ¿Tádao an ibá nin magña poón, ó nin magña Fariseo nagtubod sa saiya?
49 Tará an banuang ini na day nacacaaram can casogoan, iyó an sinumpaan, 50 Si Nicodemo nag-sabi sainda (idtó na napadigdi qui Jesús na bangui na sarò siya sa sainda):
51 ¿Tádao an satong casogoan minahocom sa qui-isay man na day gñona dagñogon sia, asin isihon cun anó an guinibo nia ?
52 Sinda nagsirimbag asin nagsarabi saiya, ¿Icá man tagá Galilea? Oguidon mo, asin mahihiling mo na sa Galilea daing minatindog na profeta.
53 Asin sinda nag-duruman lambang sarò sa saiyang harong;
1 Tará si Jesús napadumán sa buquid nin magña Oliva.
2 Asin can quinaagahan nagbalic linat sa templo, asin an bilog na banuá nag-daratong sa saiya; asin paca-tucao nag-otocdô sa sainda.
3 Asin an magña escriba asin magña Fariseo dinarahan sia nin sarong babaye na nadacop sa pagpasambay:
4 asin pacabugtacan saiya sa tahao ninda, nag-sarabi saiya, Maestro, ining babayeng ini nadacop sa pag-ratác sa inagoman sa oras na guinibo nia.
