2 siring can itinaó mo saiyang capangyarihan sa gabos na magña hauac ó laman, ta gñaning idtó gabos na itinaó mo saiya, tauán sinda nin buhay na day nin catapusan.
3 Asin iyo ini an buhay na day nin catapusan, na mamidbid ca ninda, na saróng Dios na totoo, asin si Jesu-Cristo na saimong sinogo.
4 Pinamurauayan taca sa daga; natapus co an guibo na ipinaguibo mo sa sacô.
5 Gñunian gñani, Oh Amâ, pamurauayan mo acó sa saimo man, caidtong camurauayan na quinámtán co sa saimo, na day pa nabuhay an quinâban.
6 Ipinahayag co an saimong gñaran sa magña tauo na itinaó mo sa sacó sa quinában: magña sadiri mo sinda, asin itinaó mo sinda sa sacô; asin sinda inotob ninda an saimong tataramon.
7 Gñunian namidbid ninda na an gabos na magña bagay na itinaú mo sa sacó, guican sa saimo:
8 huli ta an magña tataramon na itinaó mo sa saco, itinaó co man sa sainda; asin inacó ninda, asin namidbid nindang totoo na sa saimo naghalê acó, asin nagturubod na sinogo mo acó.
9 Naquiquimaherac acó dahel sa sainda: bacong dahel can quinaban an ipinaquiquimaherac co, cundi dahel nin si magña itinaó mo sa sacô: huli ta sinda magña sadiri mo:
10 asin an gabos na sacong magña bagay magña sadiri mo, asin an magña bagay mo magña sadiri co; asin acó pinamurauay sa sainda.
11 Asin gñunian day na acó sa quinaban, alagad ining magña ini nasa quinâban, asin acó padudumán sa saimo. Amang Santo, tagoon mo sa saimong gñaran idtong magña itinaó mo sa sacô, ta gñaning sinda mani sarò, siring man sa sató.
12 Can acó nasa caiba pa ninda sa quinàban, tinatago co sinda sa saimong gñaran: idtong magña itinaó mo sa sacô tinago co sinda, asin day nin si-isay man sa sainda na napahamác, cundi an áqui nin capahamacan; ta gñaning an Casuratan maotob.
13 Tará gñunian padidigdi acó sa saimmo; asin itinatarám co ining magña bagay sa quinában, ta gñaning magcaiguá sinda can sacong caogmahan na naotob sa sainda man saná.
