1 Pacasabi ni Jesús caining magña tataramon, naghalè na caibá an saiyang magña discípulo napaduman sa sarong ibong nin danao nin Cedrón, na dudumán an saróng huerto,* na naglaog dumán, sia asin an saiyang magña discipulo.
2 Asin si Judas man, na magpapasaloib sa saiya, naiisihan an lugar na iyan; huli ta si Jesús dayaday na nagdudumán cairiba an saiyang magña discipulo.
3 Si Judas gñani, paca-aco can saróng tompoc na magna soldado asin magña alguacil, sa magña poón nin magña haralangcao na sacerdote asin nin magña Fariseo, napadumán na may magña farol, asin magña ilauan, asin magña minasbad.
4 Si Jesús gñani na naiisihan an gabos na bagay na mangyayari sa saiya, nagluás, asin sinabihan sinda, Si-isay an saindong hinahanap?
5 Nagsirimbag saiya, Si Jesús na taga Nazarét. Si Jesús sinabihan sinda, Iyo acó. Asin si Judas man, na mapasaloib sa saiya, caiba ninda.
6 Can pacaşabi gñani sainda, Iyo acú, nagsiribog, asin nagcapurucan sa daga.
7 Pinaglapot sinda liuat, ¿Si-isay an saindong hinahanap? Asin nagsarabi saiya, Si Jesús na tagá Nazarét.
8 Si Jesús nagsimbag, Sinabihan co na canó na acó; cun acó gñani an hinahanap nindo, pabayaan nindo na magralacao ining magña ini:
9 ta gnaning maotob an sinabi: Sa magña itinaó mo sa sacô, day nin si-isay na nauarâ sacô.
10 Si Simón Pedro gñani, na nacahócbit nin minasbád, binolnót ini, asin tinigbas an oripon nin cahorohalangcao na sacerdote, asin napalogñan sia nin si toong taligña: an gñaran nin oripon si Malco.
* Lugar nin magña tinamon na gugulayon.
