dalagan; asin napanô an bilog na harong na saindang natutucauan.
3 Asin nagpahayag sa sainda an magña dilà na nagcacabaragña, siring sa calayo; asin ominontoc "ini" sa balang sarò sa sainda.
4 Asin sinda gabos nagcaparanô nin Espiritu Santo, asin nagporoón magtarám nin nanlaen-laen na pagtarám, siring sa ipinagcatalagá nin Espiritu na ipagtarám ninda.
5 Alagad may nag-oorontoc sa Jerusalem na magña Judio, magña tauong banal, na halé sa gabos na magňa nacion sa irarom nin lagñit.
6 Pacatapus gñani can tanog na ini, nagcatiripon an cadaclán, asin nagcatiricbahan, huli ta nadadagnog ninda na si lambang sarò nagtatarám na sa sadiri niang pagtarám.
7 Asin sinda gabos nagcacorobhaan, asin naggñagñaralás, na nagsarabi, Uya, ining magña nagtatarám ¿bacóng sinda magña tagá Galilea gabos?
8 ¿tádao gñani, ta nadadagñog ta sinda na nuquiquipagolay na sato an balang sarò sa satong sadiring pagtarám na nagaimatahan?
9 magña tagá Parthia, asin magña tagá Media, asin magña tagá Elam, asin an magña nageereroc sa Mesopotamia, sa Judea asin sa Capadocia, sa Ponto asin sa Asia,
10 sa Frigia asin sa Pamfilia, sa Egipto asin sa magña sacop nin Libia na cataid nin Cirene, asin an magña tagá ibang banua na halé sa Roma, magña Judio siring man an magna. nagsosonod sa pag Judio,
11 magña taga Creta asin magña tagá Arabia, nagcadaragnog ta sinda na nagtatarám sa satong tataramon can magña guibong daracula nin Dios.
12 Asin an gabos nagcatiricbahan, asin nagborong-borong, na nagpasorosarabi an magña iba sa magña iba, ¿Anó an cahologan caini?
13 Alagad an magña iba, nag-olog-olog, na nagsaracsí, parano nin bagong arac ó magña burat.
