23 na nagsarabi, An bilangoan sa catotoohan na datgñan mi marahay na gayo an pagcapinto, asin an magña bantay nacatindog sa magña pinto; tará can bucason mi na, day caming nahiling ni si-isay man sa laog.
24 Can madagñog ninda ining magña tataramon an capitan nin templo asin an magña poón nin magña sacerdote nagborong-borong sinda cun anó an madadatgñán caidtó.
25 Asin dominatong si sarô na nagsabi sa sainda, Uya digdi, an magña lalaqui na ibinogtac nindo sa bilangoan, nasa templo, asin nagtotocdo sinda sa banua.
26 Iyo idtó napadumán an Capitan caiba an magña alguacil, asin dinará sinda sa marahay saná; huli ta nagcacataracot sa banua tibaad pag-gapoôn sinda.
27 Pinagdarará sinda gñani, inatubang sinda sa concilio; asin hinapot sinda can cahorohalangcao na sacerdote,
28 na nagsabi, ¿Bacong nagboót camí sa saindo nin maigot na day camo magtocdo sa gñaran na ini: asin uya, na pinanô nindo an Jerusalein can saindong hulit, asin boót nindong darahon sa samo an dugo can tauong ini.
29 Tará si Pedro asin an iba pang magña apóstol nagsirimbag, na nagsarabi, Caipuhan na magsonod gñôna sa Dios bago sa magña tauo.
30 Asin an Dios nin satong magña magurang binuhay liuát si Jesús, na guinadan nindo, asin binitay nindo sa sarong cahoy.
31 Ini, pinamurauayan nin Dios sa saiyang too ta gñaning mani Principe asin Paraligtás, sa pagtaó sa Israel nin pagsolsol asin patauad nin magña casâlán.
32 Asin cami magña sacsi can magña bagay na ini, asin siring man an Espiritu Santo, na ini itinaó nin Dios sa magña nagsosonod saiya.
33 Tará sinda, can madagñog ini, nagcaarangot asin nagpahatolhatol na gadanon sinda.
34 Dagñan nagtindog sa concilio an sarong Fariseo na gñinagñaranan si Gamaliel, maestro sa ley, iguinagalang nin bilog na banua, nagboót na paluason nin cadiquit na oras an magħa tauong idtó.
