35 Asin sinabihan sinda, Magña lalaquing taga Israel, hilgñon nindo an mapadapít saindo dian sa saindong guiguibohon sa magña tauong ini.
36 Huli ta bâgo domatong an magña aldao na ini, bominuhat si Teudas, na nagsabi na sia daculang tauo; na an magña ominiba saiya may magña apat na gatos na tauo an bilang: na sia guinadan; asin si gabos na nagsoronod saiya, nagcauararac, asin day nin anoman na dinatgñan.
37 Pacatapus caini, bominuhat si Júdas na tagá Galilea sa magña aldao nin pagpapasurat nin magña tauo, asin balaquid na tauo sa banua na dará nia. Sia man nagadan; asin gabos na nagsoronod saiya nagpacauarac.
38 Asin gñunian sinasabihan ta camó, Na day camó maquilabot sa magña tauong ini, pabayaan nindo sinda; ta cun an hatol na ini ó an guibong ini, sa magña tauo lamang, mapaparà sana.
39 tará cun sa Dios, day nindo malalaglag; pabayaan giani nindo, tibaad pa camó mapamugtac na minatumang sa Dios.
40 Asin ominoyon sinda sa saiya: asin inapod an magña apóstol, hinampac sinda, asin pinagbotan sinda na day-na magtarám sa gñaran ni Jesús.
41 Sinda gñani nagharalê sa atubang niu concilio, magña ogmá na pinapagcanigo sinda na magtios nin camodahan dahel sa gñaran ni Jesús.
42 Asin aro-aldao sa templo asin sa magña harong, day sinda nag-oontoc can pagtocdo, asin paghulit na si Jesús iyó an Cristo.
1 Sa magña aldao na idtó, pagdacol can cabilagñan nin magña discipulo, nagcamorondò an magña Greco-Judio tumang sa magña Hebreo, huli ta an saindang magña balong babaye pinababayaan sa paguauaras sa aro-aldao.
2 Iyo idtó, an cagduá, tiniripon an cadaclán nin magña
