34 Asin binocsán, gñani, ni Pedro an saiyan gñoso, asin sominabi, Sa catoohan namimidbid co na an Dios daing pinalalaen na tauo;
35 Cundi na an arín man na nación na matacot sa saiya asin minaguibo nin catanosan, iyo an inaacò nia.
36 An tataramon ipinadará nin Dios sa magña áqui ni Israel, na ipinaghuhulit an evangelio nin catiuasayan sa gñoso ni JesuCristo (na ini iyo an Cagurangnan nin gabos),
37 camó nacacaisi can tataramon na ini na nacaboyagyag sa bilog na Judea, magpoón sa Galilea, pacatapus nin pagboniag na ipinaghulit ni Juan;
38 dapit qui Jesús na taga Nazaret, cun paano si paglahid saiya nin Dios in Espíritu Santo asin nin Capangyarihan; sia, naglacaó sa gabos na lugar, nagguiguibo nin magña carahayan, asin binobolong an gabos na pinasasaquitan nin diablo, huli ta an Dios nasa saiya.
39 Asin cami magña sacsi can gabos na magña bagay na guinibo nia sa daga ni Judea, asin, sa Jerusalem; na sia guinadan man, na binitay sia sa sarong cahoy.
40 Ini, binuhay nin Dios can icatolong aldao, asin guinibo na sia mahayag.
41 bacò sa bilog na banua, cundi sa magña sacsí na magña pinili gñona nin Dios, na iyo cami, con sasayudon, na nagcaracan camí asin nag-irinom camí sa caibá nia, pagcabuhay liuat sa magña gadana.
42 Asin ipinagboót nia sa samo na ipaghulit mi sa banuaan, asin sacsihan mi na ini iyo idtong guinibo nin Dios na mani Hocóm nin magña buhay asin magña gadan.
43 Ini an pinatotoohan nin gabos na magña profeta, na an gabos na magturubod sa saiya cacámtan ninda an patauad nin magña casálán huli sa saiyang gñaran.
44 Dagñan na nagtatarám pa si Pedro can magña tataramon na ini, an Espiritu Santo naghilig sa gabos na magña nagdadagñog can tataramon.
45 Asin nagcatiricbahan si magia nagtutubod na tinuri, na cairiba ni Pedro, na pati man sa magña Gentil iuinauarác an biyaya nin Espíritu Santo.
