1 Dagñan si ibang magña tauo na nahirilig halê sa Judea pinagtocdoan an magña tugang, na nagsarabi, Na cun day camó magtuturi siring sa caogalêan ni Moises day camó macacaligtás.
2 Nagcaiguá si Pablo asin si Bernabé nin caribocan asin paquipagsubay sa sainda, pinagmarhay can magna tugang na si Pablo asin si Bernabé magtorocad sa Jerusalem, asin an ibá sa sainda, sa magña apústol, asin sa magña magurang, dapit sa bagay na ini.
3 Sinda, gñani, na iniibahan can Iglesia, nag-aragui sa Fenicia asin Samaria, na ipinagbabaretâ ninda an pagbalic nin boót nin magña Gentil: asin tinâuán, dahelan caini, nin daculang caogmahan an gabos na magña tugang.
4 Asin pagdaratong sa Jerusalem, inacô sinda nin Iglesia asin nin imagña apóstol, asin nin magña magurang; asin binaretaan sinda can gabos na magña bagay na guinibo nin Dios sa sainda.
5 Alagad an magña ibá sa secta nin magña Fariseo na nagturubod, nagtirindog, na nagsarabi, Caipuhan na sinda turion, asin ipagboót sainda na otobon an casogoan ni Moisés.
6 Asin nagtiripon an magña apóstol asin an magña camaguragñan ta mag-oorolay dapit sa bagay na ini.
7 Asin pacatapus nin halauig na pagpasuruhay, tominindog si Pedro, asin sinabihan sinda,
Magña tugang na lalaqui, Camó nacacaisi na haloy nang magna aldao na pinili acó nin Dios sa saindo, na huli sa sacong gñoso dagñogon can magña Gentil an tataramon nin evangelio, asin magturubod sinda.
8 Asin an Dios, na namimidbid an magña puso, tinâuán sinda nin patotoo, tinâuán sindang Espíritu Santo na siring man sa sató;
