21 Huli ta si Moises, magpoon sa magña naenot na panahon, iguá, sa balang ciudad na naghuhulit dapit sa saiya sa magia sinagoga, na digdi binabasa balang aldao nin paghigñaló.
22 Dagñan pinagmarahay can magña apóstol asin_can magña camaguragñan, caiba an bilog na Iglesia na pumili sa sainda nin magña lalaqui, asin sogoon sinda sa Antioquia caiba si Pablo asin si Bernabé; si Judas na inaapod na Barsabas, asin si Silas, magña lalaquing poón sa magña tugang:
23 asin sumurat na ipadará, sa magña camót ninda, sa siring na palacao: An magña apóstol asin an magña tugang na camaguragñan, sa magña tugang na nasa magña Gentil, sa Antioquia, asin sa Siria, asin sa cilicia, Carahayan:
24 Huli ta nadagñog mi na an magña ibang nagharalê sa samo, riniboc camó nin magña tataramon, na linaglag an saindong magña calag na nagboroot na magpaturi camo asin magcuyog can ley ni Moisés, na sa sainda day cami nagsogô;
25 pinagmarahay mi, na pinagcasararoan-na, na pumili nin magna lalaqui sa satô, asin sogoon sinda sa saindo, cairiba an samong magña namomotan na si Bernabé asin si Pablo,
26 magña tauo, na itinimbang an saindang magña buhay dahelan sa gñaran nin Cagurangnan tang Jesu-Cristo.
27 Sinogô mi gñani si Judas asin si Silas, na sinda man sa tataramon sasabihan camú nin siring man.
28 na pinagmarahay can Espíritu Santo asin cami man, na day camó pagtâuán nin daculang pasan, cundi ini sanang magña bagay na quinacaipuhan.
29 Na maglicay camó sa magña bagay na idinodolot sa magña anito, asin sa dugo, asin sa binitay na hayop, asin sa paquipagsambay; sa magña bagay na ini cun camó mag irigñat, marahay an guibo nindo. Maglacao camú nin marahay.
30 Sinda gñani, can mapalacao na, naghirilig sa Antioquia; asin can matipon na an cadaclán nin magna discipulo, itinaó ninda an surat.
31 Asin can mabasa na ninda, nagcaorogmá dahelan sa pagcaragña.
