MAGNA APÓSTOLES 16.391
13 Asin saróng aldao nin paghignalo nagruluás camí sa luás nin pinto, sa tampi nin salog, na dumán isinasaboót mí na may lugar na pinamimibián; nagturucao camí, na naquipag-olay caini sa magña babaye na nagdurumán.
14 Asin si saróng babaye na inaapod na Lidia, tagá ciudad nin Tiatira, na nagpapabacal nin gubing na púrpura, babayeng matatácton sa Dios, nagdadagñog sa samo; asin binocsán nin Cagurangnan an saiyang pusô, tagñaning dagñogon an magña bagay na sinasabi ni Pablo.
15 Asin can sia maboniagan-na, asin an magña na sa saiyang harong, naquimaherac sa samo, na sominabi, Cun pinaghonâ-hona nindo na acó maniní paraotob sa Caguranguan, lomaog camó sa sacong harong, asin omontoc camó dihan. Asin camí pinirit nia.
16 Asin nangyari, na pagdumán mi sa pinamimibián, si sarung daraga na iguá nin espiritung paratood, sinabat camí, na ini nagdadará sa saiyang magña cagurangnan balaquid na paquinabang sa pagtood ó pagocod.
17 An daragang ini, nagsosonod qui Pablo asin sa samò, asin nagcucurahao, na nagsasabi, An magña tauong ini magña sorogoon nin Dios na cahorohalangcaui, na sinda an nagbabareta sa saindo can dalan nin pacaligtás.
18 Asin haloy na aldao na guiniguibo nia idtó; tará si Pablo naoyám, nagligñoy asin sinabihan an espíritu, Acó nagboboót saimo sa gñaran ni Jesu-Cristo, na lumuás ca sa saiya. Asin lominuás sa oras man sanang iyan.
19 Asin pagcahilíng gñani can saiyang magña cagurangnan na nauarana an linalaoman nin saindang paquinabang, dinacop ninda si Pablo asin si Silas, asin dinará sinda sa sâdan, sa atubang nin magña poón.
20 Asin can sinda icaatubang na sa magña poón, nagsarabi, An magña lalaquing iní, na magña judo, riniriboc nindang gayo an satong ciudad,
21 asin nagtotocdô sindang magña caogalean, na day maninigong acôon, ó guibohon mí, huli ta cami magña taga Roma.
