22 Asin nagtirindog an cadactán tumang sa sainda: asin an magña poón guinisían sinda can saindang magña gubing, asin ipinahampac sinda nin magña samulig.
23 Asin pacatapus pagrulugade sainda nin dacol na magña paghampac, ilinaong sinda sa bilangoan, na tinogon an pinaniniualaan sa bilangoan nahigñatan sinda nin marahay.
24 na sia, pacaacoa caining pagboot, ilinaog sinda sa bilangoan sa laog na gayo; asin inipit an saindang magña bitis sa pandog.
25 Alagad can matagña-na an bangui, namîbî si Pablo asin si Silas, asin nagaarauit sa Dios, asin si magña bilango pinagdadagñog sinda;
26 dagñan napadadali sanang nangyarí an saróng linog na macosog, nin huli caini si magña tutugmadán nin bilangoan nagcahereró; asin tolos man saná nagcaborocsán an gabos na magña pinto, asin an magña gacot nin gabos nagcahorolog.
27 Asin can maguimatá an pinaniualâan sa bilangoan, asin can mahiling na borocás-na si magña pinto nin bilangoan, binolnót si saiyang minasbád na boót siang magsadiring gomadan, ta an saiyang pag-isip na an magña bilango nagpacadolág.
28 Tará si Pablo cuminurahao sa daculang tigñog, na sominabi, day ca magsadiring magguibo nin maraot; huli ta uya didigdi cami gabos.
29 Naghagad sia gñani nin ilao, dominalagan sa laog, asin tinaquigan sa tacot, na napucan sia sa atubagñan ni Pablo asin ni Silas,
30 asin dinará sinda sa luas, na sominabi sainda, Magña cagurangnan, anóng maninigo cong guibohon ta gñaning acó macaligtás?
31 Asin sinda nagsarabi, Tomobod ea sa Cagurangnan tang si Jesús, asin macacaligtas ca, patin an saimong harong.
32 Asin isinabi ninda saiya an tataramon nin Cagurangnan, asin sa gabos na magña nasa saiyang harong.
33 Asin quinuá sinda sa oras man sanang iyan nin banguí, hinanauán nia an saiyang magña lugad; asin binuniagan sia, asin an gabos na magña sa saiyang, harong.
