MAGÑA APÓSTOLES 16 & 17.393
34 Asin hinatod sinda sa itaas nin saiyang harong, pinaglamesaan sinda, asin naogmá nin daculâ, na patín an bilog niang harong tominubod sa Dios.
35 Asin can aldao-na, an magña poón sinogó an magña alguacil, na nagsarabi, Pabayaan nindong magharalé an magña tauong iyan.
36 Asin an pinaniualâan sa bilangoan ibinareta ining magña tataramon qui Pablo; na sominabi, An magña poón nagsorogo na pabayaan camóng magharalê: caya gñani gñunian magluás camé, asin maglacao camó sa catiuasayan.
37 Si Pablo gnani sinabihan sinda, Hinampac ninda camí sa hayag, na day cami hinocomán, na camí magña tauong tagá Roma, ibinilangó camí; asin gñunian hilom sana caming binobotasan? Day, mangyayari sa catotoohan: cundi sinda an pomadigdi asin paluason camí.
38 Asin si magña alguacil nagsarabi liuat sa magña poón caining magña tataramon: asin nagcataracot, can madagog na sinda magña tagá Roma;
39 asin nagdirigdi, asin naquimaherac sainda asin quinuá sinda, na naquimaherac sainda na magruluas sa ciudad.
40 Sinda gñani pacaluas sa bilangoan, nagralaog sa harong ni Lidia; asin can mahiling ninda an magña tugang, rinagña sinda asin nagharalê.
1 Asin pacaágui ninda sa Amfipolís asin sa Apolonia, nagdaratong sa Tesalónica na dudumán an sinagoga nin magña juio;
2 asin si Pablo, siring sa quinaogalean nia, lominaog sa sainda, asin sa laog nin tolong aldao sa magña aldao nin paghignalo naquipagsuhay sa sainda dapit sa magña casuratan,
3 na binobocsán asin isinasaysay, na quinacaipuhan na an Cristo magsaquit, magbuhay liuat sa magña gadana; asin na si Jesús, (na sia ibinabaretâ co sa saindo, sabi nia) ini iyo an Cristo.
