24 An Dios na cagguibo can quinâban, asin can gabos na magna bagay na nasa saiya, ini, na iyo an Cagurangnangnan nin lagnit asin nin dagâ, day nag-oontoc sa magña templong guinibo nin magna camót,
25 asin day man naogma can magña camót nin magña tauo, na garóng nagcacaipo nin ano man na bagay; tará sia an nagtataó sa gabos nin buhay, nin guinhaua, asin nin gabos na magña bagay;
26 asin guican sa sarong dugo guinibo nia an gabos na capagaraquian nin magña tauo, ta gñaning magorontoc sa bilog na ibabao nin dagâ; na itinalaan sainda an talagang capanahonan ninda, asin an magña casagcodan nin pag-ontoc ninda;
27 ta gñaning hanapon ninda an Dios, cun sa anó man na bagay, na madoonan, macuá sia ninda; minsan baga bacò siang harayo sa balang saró sa satò:
28 huli ta sa saiya nabubuhay quitá, asin nagheherò quitá, asin an pagcatáuo ta, siring man sa sinabi nin iba can saindong sadiring magña poetas; Huli ta quitá man sa capagaraquian nia.
29 Na quitá, gñani, guican sa Dios, na day ta maninigo na an pagca Dios icaaguid sa bulauan, ó sa pirac, ó sa gapo, na guinibong ladauan sa pandayan ó sa cadonogñan nin magña tauo.
30 Alagad an Dios, minsan pinalihis, gñani, an magña panahon caining day ninda pacasabot; alagad gñunian ipinagboboót nia sa magña tauo, na an gabos, sa gabos na magña lugar, magsorolsol;
31 huli ta nagtalâan sia nin saróng aldao, na saiyang ipaghohocom sa quinában siring sa catanosan, huli caidtong lalaqui na sa saiya itinalâan; na dapit caini pinatotoohan an gabos na magña tauo, na si Jesús ibinagñon nia sa magña gadana.
32 Asin can madagñog ninda an dapit sa pagcabuhay liuat sa magña gadan, an magña iba naggñignisi sa saiya, asin an magña iba nagsasarabi, Dadagñogon mi içá liuat dapit caini.
33 Asin iyo idtó si Pablo hominalê sa tahao ninda.
34 Alagad an magña iba nagturubod, na naquisomarò sa saiya; na sarò man sa sainda iyo si Dionisio na Areópago, asin saróng babaye na gñinagñaranan na Dámaris, asin magña iba pang cairiba ninda.
