1 Pacatapus can magña bagay na ini, si Pablo naghalê sa Atenas asin napadumán sa Corinto.
2 Asin nácua an sarong judio na ginagñaranan na si Aquila, na tagá Ponto, na day pa nahahaloy na naghalê sa Italia, caiba si Priscila na saiyang agom, (huli ta ipinagboót ni Claudio na an gabos na magña judio magharalé sa Roma), asin sia napadigdi sa sainda;
3 Asin huli ta an saiyang paghanap nin buhay siring man sa sainda, naquisaró su sainda asin nag-oroiriba sa magña pagguibo; huli ta an saindang paghanap-buhay magguibo nin magna tindahan.
4 Asin naquiquipagsuhay sia sa sinagoga sa magña aldao nin pagpahigñalo, asin pinaghihigñoa nia na mapatubod an magña judio asin griego.
5 Alagad can magdirigdi si Silas asin si Timoteo na halê sa Macedonia, si Pablo panong gayo nin guibo dabelan sa tataramon, na sinasacsihan nia sa magña judio na si Jesús iyo an Cristo.
6 Asin can sinda naquiquipagsuhay asin nagrarapsac, sinabihan sinda na ipinalpag an saiyang magña gubing: An saindong magña dugo ma-holog sa saindong payo man saná; acó malinig; magpoón gñunian madumán acó sa magña Gentil.
7 Asin sia naghalê dumán, lominaog sia sa harong nin sarong inaapod na Tito Justo, natatácton sa Dios, na an saiyang harong harani sa sinagoga.
8 Asin si Crispo, an poón nin sinagoga, tuminubod sa Cagurangnan caiba an bilog niang harong: asin balaquid sa magña tagá Corinto, na pagcadagñog can tataramon, nagturubod, asin hagcaboroniagan.
9 Asin tinarmán can Cagurangnan si Pablo pagcabangui_sa pagñatorogan: Day ca matacot, cundi magtarám ca, asin day ca omontoc pagtarám:
