16 Huli ta pinagmarbay ni Pablo na lihisan an Éfeso, ta gñaning day na sia maabala sa Asia; huli ta sia nag-iinabót can aldao nin Pentecostés, cun sucat cutâna mangyari, sa Jerusalem.
17 Asin nagpoón sa Mileta gñani pinasogoan nia sa Efeso, asin ipinaapod an magña camaguragñan sa Iglesia.
18 Asin can pagdirigdi sa saiya, sinabihan nia sinda, Naiisihan nindo, na magpoon sa naenot na aldao na tominongtong acó nin Asia, siring sa pagcaibá co sa saindo sa bilog na panahon,
19 na naglilincod aco sa Cagurangnan nin bilog na pagpapacumbabâ nin isip, asin caiba an magna luhâ, asin an magña casaquitan na dominatong sa sacó dahel sa nagña pagpapacaraot nin nagña Judio:
20 na an anoman na bagay na saindong paquiquinabagñan day co pinabayaan na isaysay sa saindo, asin hayag na itinotocdô co sa saindo, asin sa magña cabarogñan,
21 na sinasacsihan co sa magña judio asin sa magña griego man, an pagbabalic nin boót sa Dios, asin an pagtubod sa Cagurangnan tang si Jesu-Cristo.
22 Asin gñunian, uya, na acó napiritan sa espiritu, madumán acó sa Jerusalem, na day co naiisihan an magña bagay na mangyayari dumán sa sacô:
23 na an Espíritu Santo saná an nagpapatotoo sa sacô sa balang ciudad, na sinasabi, na an magña bilangoan asin magña casaquitan naghahalat sa saco.
24 Alagad sa arin man caining magña bagay day co tinatanan nin halagá, asin day co man tinatâuan nin halagá an sadiri cong buhay na minamahal co; maotob co saná an sacong catongdan na may caogmahan, asin an magña bagay na inaco co sa Cagurangnan na Jesús, ta gñaning patotoohan co an evangelio nin biyaya nin Dios.
