25 Asin gñunian, uya digdi, naaaraman co na camó gabos na pinaghulitan co can cahadean nin Dios, day na nindo mahihiling an sacong lalaugon.
26 Caya gñani, pinatotoohan co sa saindo sa aldao na ini, na acó malinig sa dugo nin gahos.
27 Huli ta day co tinalicondan an pagbareta sa saindo can gabos na cabatohan nin Dios.
28 Higñatan nindo an saindong sadiri, asin an saindong ariponpon,* ta guinibo camó nin Espíritu Santo sa sainda na magña obispo, ta gñaniug atamanon nindo an simbahan nin Cagurangnan, na ini binacal nia can saiyang dugó.
29 Natatalastas co na an pacabalo co, malaog digdi sa saindo an magña ganid na lobo,† na day patatauadon an ariponpon.
30 Asin magbuburuhat man sa pag-iriba nindo an magña tauong magtatararám nin magña bagay na maraot, ta gñaning icabolág an magia discipulo, asin magsoronod sa huri ninda.
31 Caya, magpurucá camó, romdomon nindo na sa laog nin tolong taon day acó nag-ontoc nin paghulit sa balang sarô, aldao asin bangui, caiba an luhá.
32 Asin gñunian, magña tugang, ipinamimibi co camó sa Dios, asin sa tataramon nin saiyang biyaya, na ini may capangyarihan sa pagpacosog sa saindo, asin pagtaó sa saindo nin panonod sa cairiba nin gabos na magña naguiguing santo.
33 An pirac, ó an bulauan, ó an gubing nin si-isay man day acó naarâ.
34 Atá gñani camó man sana nacacaisi na sa sacong nani caipuhan, asin sa magña cairiba co, ining magña camót co an naglincod sa sacô.
35 Sa gabos na bagay tinâuan co camó nin halimbaua, na sa siring na pagpagal, maninigo nindong andorogon an magña maluya, asin romdomon nindo an magña tataramon nin Cagurangnan na si Jesús, na sia man an nagsabi, Orog pang capaladan an pagtaó qui sa pag-acó.
36 Asin pacatarám nin siring, lominobod sia, asin namîbî caiba sinda gabos.
- Manada.
† Hayop na marigñis, na nacacaaguid sa ayam na ganid.
