Plantilya:Hr
pinagguibohan nia nin balaquidon na magña gñagñalasan,
huli ta day nagsorolsol, sinabihan:
21 Herac man simo, Corazin, herac simo, Bethsaida, huli ta cun sa Tiro asin sa Sidon guiniribo cutà an magña gñagñalasan na guinibo sa saindo, haloy nang gayo na nagsorolsol cutá, asin nagcilicio asin nagbugtac nin abó.
22 Alagad sinasabi co saindo na maguian pa an silot sa Tiro asin sa Sidon sa aldao nin paghocom, qui can sa saimo.
23 Icá man, Capernaum, na nagpapalancao ca sagcod sa lagñit, sagcod sa infierno mapapaibaba ca, huli ta cun sa magña taga Sodoma guiniribo cutâ an magña gñagñalasan na guinibo sa saimo, nagdanay cutâ sagcod sa aldao na ini.
24 Alagad sinasabi co saindo na maguian pa an silot sa daga nin Sodoma sa aldao nin paghocom, qui can sa saimo.
25 Sa panahon na idto, si Jesús nagsimbag, na sominabi, Nagpapasalamat acó sa saimo, oh Ama, Cagurangnan nin lagnit asin nin dagâ, huli ta hinilom mo ining magña bagay sa magña madonong asin may pacasabot, asin ipinahayag mo ini sa magna saradit.
26 Iyo ini, Amâ, huli ta iyo an nacaogina sa magña matá mo.
27 An gabos na magña bagay itinao sa sacó nin sacong Amâ asin day nin si-isay man na nacamidbid sa Aqui, cundi an Amâ; si-isay man day nacamid bid sa Amâ, cundi an Aqui, asin idtong an Aqui boot nia na pahayagan.
28 Madiá camo sa sacô gabos na magña napapagal asin nagagabatan, asin tatauan co camó nin pagbigñaló.
29 Pâsanon nindo an sacong sacal, asin mag-hinonod camo sa sacò; huli ta aco mapanero asin mapacumbaba sa pusô; asin macúcua nindo an capahigñaloan can saindong magña calag.
30 Huli ta an sacal co malomoy, asin maguian an pasan co. Plantilya:Hr
- Maggamit nio gubing na matarom.
