MAGNA APÓSTOLES 21.409
21 asin nabaretaan sinda dapit sa saimo, na tinotocdoan mo an gabos na magña Judio na nasa magña gentil, na bomolag qui Moisés; nagsasabi ca sainda, na day maninigong pagturion an saindang magña áqui, asin day pagsonodon siring sa magña caogalean.
22 Anóng guiguibohon gñani? An cadaclán magtitiripon sa capiritan; ta nadadagñog ninda na napadigdi ca.
23 Guibohon mo, gñani, ining sinasabi mi saimo: Iguang apát na tauo sa samo na may panuga:
24 ipag-iba mo sinda, maqui-iba ca sa saindang maglinig, asin bayadan mo an magcacaris sainda, ta gñaning ipacaris ninda an bohoc sa payó; asin macaisi an gabos na day nin catotoohan an magña bagay na nabaretá sainda dapit sa saimo, cundi nag-ootob ca man can casogoan.
25 Tará dapit sa magña gentil na nagturubod sinuratan mi sinda, na samong pinatanidan na sinda maglicáy sa magña bagay na idinodolot sa magña anito, asin sa dugo, asin sa hayop na binitay, asin sa pagsambay.
26 Dagñan ipinag-iba ni Pablo an magña tauo, asin can sominonod na aldao, naglinig sia na caiba ninda, lominaog sa templo, asin isinaysay an panahon can magña aldao nin paglilinig, sagcod na icadolot an dolot na mapapadapit sa manarô-sarô sa sainda.
27 Asin can matatapus na an pitong aldao, an magña judíong taga Asia, can mahiling sia ninda sa templo, riniboc ninda an bilog na banua, asin dinacop sia ninda,
28 na nagcucurabao, Magña lalaquing tagá Israel, tomabang camó;
Iyo ini an tauo na sa gabos na lugar nagtotocdò sa gabos tumang sa banua, asin sa casogoan, asin sa lugar na ini: asin sarò pa caini, ilinaog nia sa templo an magña gentil, asin dinigtaan ining santong lugar.
29 Huli ta nahiling gñóna ninda na caiba nia sa ciudad si Trófimo, na tagá Efeso, asin an isip ninda na ilinaog sia ni Pablo sa templo.
30 Asin an bilog na ciudad nariboc, asin nagcatiripon an magna tauo sa banua: asin dinacop ninda si Pablo, guinoyod
