31 Asin dagňan na pinagpipiritan siang gadanon, ipinadará an baretá sa coronel nin compania, na an bilog na ciudad nin Jerusalem nariboc.
32 Asin iní cominuá nin magña soldado asin magña capitán, asin dominalagan sa sainda: Asin can mahiling ninda an coronel, asin an magña soldado, nagorontoc can paghampac qui Pablo.
33 Dagñan, dominoloc an coronel, dinacop sia, asin ipinagapus sia nin duang cadena; asin naghapot cun si-isay sia, asin cun anong guinibo nia.
34 Asin sa cadaclán, an iba nagcucurahao nin sarong bagay, asin an magña iba, iba man: asin buli ta day nia matatalastas an catotuohan dahel sa caribocan, ipinadará sia sa cota.*
35 Asin can dominatong na sia sa magña tangga, nangyari na sia binuhat nin magña soldado, dahel ta inaagao sia nin banua ;
36 huli ta an cadaclán sa banua nagsosonod saiya, na nagcucurahao, Gadanon sia.
37 Asin can ilaog na si Pablo sa cotâ, nagsabi sia sa coronel, Mangyayari dao na macapagsabi acó sa saimo nin anóman? Asin nagsabi an coronel saiya. Tataó ca nin griego?
38 Bacô icá idtong taga Egipto na can magña enot na aldao nagbuhat nin sarong caribocan, asin nagdará sa patag caidtong apát na ribong tauo na magña paralibón?+
39 Dagñan si Pablo nagsabi. Acó sa catotoohan sarong judio, na tagá Tarso, ciudad na mahalaga nin Cilicia: alagad naquiquimaherac acó saimo na togotan mo acong macapagtarám sa banuaan.
40 Asin can matogotan na si Pablo, na nacatindog sa magña tangga, pinasabot can saiyang camót an banua: Asin can mahimong na, tinarman sinda sa tataramon na Hebreo, na sominabi.
- Cuartel, o campamento.
† Parahipo.
