34 Oh capagaraquían nin magña rimoranon. ¿Pápanon nindo, na magña mararaot camo, na macapagtataram nin magña marahay na bagay? huli ta sa pagcabiyaya nin pusô nagtataram an gñoso.
35 An marahay na tauo, sa saiyang marahay na cayamanan nin pusô minacua nin magña bagay na mararahay; asin an maraot na tauo, sa saiyang maraot na cayamanan minacua nin magña bagay na mararaot.
36 Sinasabihan co camo gñani na an gabos na tataramon na daing halagá na sabihon can magña tauo, magtatarao sinda nin casaysayan sa aldao nin paghohocom:
37 huli ta dahel can saimong magña tataramon patotoohan ca, asin dahel can saimong magña tataramon holocoman ca.
38 Dagñan nagsirimbag an iba nin si magña escriba asin nin si magña Fariseo, na nagsarabi: Maestro, minamauot ming macahiling nin sarong tanda saimo.
39 Alagad sia nagsimbag na sinabihan sinda, An capagaraquian na maraot asin pararatac sa magña capagaragoinan, naghahanap nin tanda; tarú day sia tatauan nin anoman na tandâ, cundi an tanda ni Jonás na profeta.
40 Huli ta cun paano si pagcaontoc ni Jonás sa tulac nin ballena sa laog nin tolong aldao asin tolong bangui, siring man an Aqui nin tauo magoontoc nin tolong aldao asin tolong bangui sa puso nin daga.
41 An magña tauo sa Ninive magtitirindog sa paghohocom tumang caining capagaraquian na ini, asin magpapadusa sa saiya; huli ta sinda nagsorolsol can paghulit ni Jonás; asin uya digdi an sarong labi pa qui Jonás sa lugar na ini.
42 An hadeng babaye sa timogan matindog sa paghocom tumang, sa magña tauo nin capagaraquian na ini, asin magpapadusa sa sainda; huli ta sia guican sa magña catapusan nin daga sa paghinaniog can cadonogñan ni Solomon; asin uya an sarong labi pa qui Solomon sa lugar na ini.
