4 Cayá, con igua camo nin magña sasaysayon sa magña bagay can panahon na ini, ibugtac nindo na gñaning saysayon sa magña may cadiquit na halaga dian sa Iglesia.
5 Sa pagsopog sa saindo sinasabi co iyan. ¿Háros ta day dian sa saindo nin madonong, minsan pa saró na macahocom ó saysay dian sa saiyang magña catugagñan;
6 Condi na an tugang tumang sa tugang nagpapasubay sa pagsaysay, asin ini guiniguibo sa atubang nin magña daing pagtubod?
7 Cayá, na, sa catotoohan saró nang caculagñan dian sa saindo na magcaigua camo nin magña caribocan sa saindo man sana. Ano ta day na gñóna nindo tinitíos an camudahan? ¿Ano ta day na gñóna nindo tinitíos na madayaan?
8 Alagad camo nagguiguibo nin camudahan ó pagmumuda, asin nagñagdadayá camo, asin ini guiniguibo sa magcasitugang.
9 Day camo nacacaaram na an bacong nagña matanos ó paracasala day magcacamit can cahadéan nin Dios? Day camo maribong, na minsan an magña parasambay, minsan an magña paraanito, minsan an magña paradorog sa may agom, minsan an magña binabaye, minsan an magna nagdodorog sa capua lalaqui ninda,
10 Minsan an magña mahábon, minsan an magña maimot, minsan an magña paraburat, minsan an magna pararanay, minsan an magña maaágau, day macaca panonod can cahadéan nin Dios.
11 Asin siring caini, camong nagcacapira: alagad magña hinugasan na camo, asin anan na pinacang mahal na camo, asin pinapagcanigó na camo sa paggñaran nin Cagurangnan na Jesús, asin huli can Espíritu nin satuyang Dios.
12 An gabos na magña bagay magña matanos sa sacuyá, alagad day an gabos maninigó: an gabos na magña bagay magña matanos sa sacuyá, alagad aco day magdidilabot sa hibabá nin capangyarihan nin apoman.
13 An magña cacanon manogñod sa tulac, asin an tulac manognod sa magña cacanon; alagad sinda gabos na dua roronoton nin Dios. Alagad au hauac bacong sa pagsambay,
