condi manogñod sa Cagurangnan; asin an Cagurangnan manogñod sa hauac:
14 Asin an Dios na bominagñon can Cagurangnan, quita man babagñonon sa saiyang capangyarihan.
15 ¿Day camo nacacaaram na an saindong magña hauac anan magña cabtang ni Cristo? ¿Hahaléon co baga an magña cabtang ni Cristo, asin guiguibohon cong magña cabtang nin sarong marompot na babae? Iparayó logod.
16 O day camo nacacaaram na an naquiquidorog sa sarong maurag na babae ó ramera, naguin sa casaroan niya na sarong hauac? háros ta maguiguing, an olay, sindang dua saro sa saró sanang laman.
17 Alagad an naquiquisomaró sa Cagurangnan, saró siyang espíritu.
18 Dulagan nindo an pagsambay. An anoman na ibang casálan na guiguibohon nin tauo, sa luas iyan nin hauac; alagad an nagsasambay, nagcacasala tumang sa saiyang rogaring man sanang hauac.
19 ¿O nagpapainda camo na an saindong hauac iyo an Simbahan nin Espíritu Santo, na siya yaon sa saindo, na iyan nacamtan nindo sa Dios, asin na bacong camo sadiri nindo man sana?
20 Huli ta anan camong binacal sa halaga: cayá pamurauaya nindo an Dios, dian sa saindong hauac asin sa saindong espíritu, ta iyan anan na magña rogaring nin Dios.
1 Manogñod can magña bagay na isinurat nindo sa sacuyá, marhay nagayo sa tauo an day domoot sa babae.
2 Alagad dahel can magña pagsasambay, an lambang saró magcaigua nin saiyang agom na babae, asin an lambang sarong babae igua nin saiyang agom na lalaqui.
3 An agom na lalaqui magbalos sa agom na babae nin maninigong pagcamoot; asin siring man sana an babae sa agom na lalaqui.
4 An babae mayong capangyarihan can saiyang rogaring
