lag siya ta bacó an tugang na lalaquí ó babae na nasasacop sa caoripnan sa bagay na siring; condi na sa catoninogñan inapod quita nin Dios.
16 Háros ta sain mo maaaraman, oh babae, con baga icacaligtas mo an saymong agom na lalaqui? ó ¿sain mo maaaraman, oh agom na lalaqui, con baga icacaligtas mo an saymong agom na babae?
17 Alagad an lambang saró siring sa pagcahirasi ó laena sa saiya nin Cagurangnan, asin siring sa pagcaapod nin Dios sa lambang saró, siring caiyan siya maglalacau: asin siring an hulit co sa gabos na magña Iglesias.
18 Naapod an saró na pinagturi? dian siya sapagturi ó tinuri siya. ¿Gñinaranan an saró na day tinuri, day siya magpaturi.
19 An pagturi daing halaga iyan, asin an day pagturi daing halaga man; condi an pagotob can magña togon nin Dios.
20 An lambang dian sa pagcaapod na itinalaga sa saiya, dian caiyan siya mamugtac.
21 Inapod cang mani oripon? Day ca magpaataman: alagad man con mahihimo mo na macahiuas ca ó macaligtas ca, maghigñoa ca nin labi.
22 Háros ta itong dian sa Cagurangnan inapod na mani oripon, maliligtas iyan nin Cagurangnan: siring man sana itong inapod na maguing ligtas ó hiuas, oripon iyan ni Cristo.
23 Huli sa halaga anan camong binacal; day camo magpaoripon sa magña tauo.
24 An lambang saró, magña tugang, dian caitong natalagahan sa saiya, dian caiyan siya magdanay manogñod sa Dios.
25 Alagad sa magña virgen ó day pa nin digtá day acong darang togon nin Cagurangnan; condi minatao aco nin cahatolan, siring sa igua nin nacaabot na magcamit nin pagcaherac nin Cagurangnan tagñaning maguin maimbod ó maotob.
26 Cayá, pinagmarhay co nangayod iniho huli can caipuhan na macuri, na marhay na gayo sa tauo na magdanay siya, nin siring.
27 ¿Nagagapus ca sa agom na babae? day ca maghigñoa
