mayó nín caipuhan, condi may capangyarihan sa saiyang boot, asin pinagmarhay sa saiyang pusó ini, na magdanay an saiyang aqui sa pagcadaraga, marhay an guibong iyan man.
38 Cayá na, an nagpapaagom can áqui niyang daraga, marhay an guiniguibo; asin an day iyan pinapaagom, orog pa carahay an guiniguibo.
39 An babaeng may agom nagagapus siya sa ley ó catogonan tongcol na buhay pa an saiyang agom na lalaqui; alagad con an agom niyang lalaqui magadana, hiuas ó talingcas na siya pomacasal na siya con siysay pagmarhayon niya, bastang sa gñaran nin Cagurangnan.
40 Alagad orog pa camapalad niya con magdanay siya nin siring, siring sa cahatolan co; asin naghohoná aco na igua man acong espíritu nin Dios.
1 Asin manogñod sa ipinag atang sa magña anito, naaaraman niato huli ta quita gabos may pagisip. An pagisip nagpapaabhao, alagad an pagcaherac nacacapatindog.
2 Asin con an saró naghohoná na tatao nin cadiquit, day pa siya tatao nin anoman siring sa maninigong pacanood.
3 Alagad con an saró namomoot sa Dios, an siring namimidbid siya nin Dios.
4 Cayá, manogñod nangayod can magña cacanon na inatang sa magña anito, naaaraman niato na an anito bacong anoman siya digdi sa quinában, asin na day nin iba pa condi sarong Dios sana.
5 Háros ta minsan igua baga nin nagcapira na gñinagñaranan na magña dios dios, ó sa lagñit, ó sa dagá man (siring ó huli ta iguang dacol na magña dios dios asin dacol na magña Cagurangnan),
6 Alagad day mayó quita nin ibang Dios condi saró sana, an Amá na sa saiya guican an gabos na magña bagay asin quita yaon sa saiya: asin sarong Cagurangnan na Jesucristo, na huli sa saiya nangyari an gabos na magña bagay, asin quita man huli sa saiya.
