4 ¿Ta dao, day mayó quita nin capangyarihan sa pagcacan asin sa paginom?
5 Day quitang capangyarihan sa pagdará sa caibahan niato nin sarong tugang na babae man siring can magña ibang apóstoles, asin can magña tugang nin Cagurangnan, patin ni Cefas?
6 ¿O cami sanang gayo aco asin si Bernabé day mayó nin capangyarihan sa day pag-guibo?
7 ¿Siysay dao sagcod lamang an naquipagiual ó naquipaglaban sa paquinabang niya ó cabayaran niya? ¿siysay an nagtanom nin viña, asin day minacacan can saiyang bugña? o siysay an nagaataman can pagsabsab nin cahayupan, asin day mina inom can gatas nin hayop?
8 ¿Sinasabi co ini siring can sabi nin magña tauo? ¿day nagsasabi man caini an togon ó ley?
9 Háros ta dian sa togon ó ley ni Moisés nasusurat: Day mo pagbugtacan nin gacod sa gñosó ó bosal an baca na nagtotolsac ó nagguiguinic. ¿Igua an Dios nin pagñataman sa magña baca?
10 ¿O isinasabi an gabos na iyan huli sa satuyá? Tara huli sa satuyá nasusurat; háros ta sa paglaom magaarado an nagóoma ó arado; asin an nagguiguinic, sa paglaon na magcamit can bugña.
11 Con cami nagtanom sa saindo caitong mapadapit sa calag ó espíritu, ¿daculá dao na bagay con anihon niamo itong mapadapit sa saindong hauac?
12 Con an magña iba igua sinda sa saindo can capangyarihan na ini, bacó dao na orog carahay na cami? Alagad day cami naggamit can capangyarihan na ini: condi gñani tinitios niamo iyan gabos, huli sa day pagbugtac nin anoman na macacaolang sa Evangelio ni Cristo.
13 Day camo nacacaaram na an magña nagpapagal dian sa Santuario ó sa altar, nagcacacan can sa Santuario ó altar; asin na si naglilingcod sa altar, dian sa altar naquiquinabang?
14 Siring man nagboot an Cagurangnan sa magña nagbabalagñibog can Evangelio, na magbuhay sinda can sa Evangelio.
