9 Day quita magtocso qui Cristo, siring man can magña iba sa sainda na pinagtocso siya, asin nagcagaradan huli sa magña balas.
10 Day man camo magliblib, siring can magña iba sa sainda na nagñagriliblib, asin nagcagaradan huli sa paralaglag.
11 Asin an magña bagay na ini nangyari sa sainda sa ladauan; asin anan na magña isinurat gñaning mani patanid ó sagué sa satuyá, na dian si catapusan nin magña panahon nagpagnontoc.
12 Cayá na, itong nagñagiysip na magdanay, maghigñat na day siya maholog.
13 Day camo quinua ó tinocso nin sugot, condi an tauo ó sa tauo: Masoripot (ó fiel) an Dios na day camo papabayaan na sugutan nin labi sa maaagod nindo; condi na tatauan man an parasogot nin luluasan, tagñaning macatagal camo.
14 Nin buli caiyan, magna namomotan co, naglicay camo can paganito.
15 Siring sa magña madonong camo nagtataram aco; horophoropon nindo an sinasabi co.
16 An caliz nín camahalan, na samong pinacamahal ¿bacó iyan na paquinabang can dugó ni Cristo? asin an tinapay na binabaác níamo, bacó na yo an pagpaquinabang can hauac nin Cagurangnan?
17 Háros ta sarong tinapay, sarong hauac quita an cadaclan, quíta gabos, naquiquinabang quita can saró man sanang tinapay.
18 Paghonáhonáa nindo an Israel síríng sa laman ó hauac: an magña nagpaquinabang can magña atang, ¿ano dao day naquinabang dian sa altar?
19 Cayá ano? ¿sabi co na itong inatang sa magña anito, yo an sarong bagay? ¿na an anito yo an sarong bagay?
20 Ata gñani sínabi co na an magña bagay na inatang can magña gentiles, inaatang iyan sa magña demonio, asin ta bacong sa Dios. Asín ta habó co na maquisomaró camo sa magña demoníos: day camo macacaínom can caliz nin Cagurangnan, asín can caliz nín magña demonios:
21 Day camo macaca pagpaquinabang sa lamesa nin Cagurangnan, asin sa lamesa nin magña demoníos.
