22 Boot niatong aguiaton sa pagñimon an Cagurangnan? Magña maririgon dao quíta qui sa Saiya? An gabos itinogot sa sacó, alagad day maninigó sa sacó.
23 An gabos anan na itinogot sa sacó, alagad an gabos day macacapacarhay.
24 Day nin siysay man na maghanap caitong carabayan nía condi itong sa iba.
25 Sa gabos na ipinagpapabacal sa sádân, comacan camo, day na mag hapot sa pagisip;
26 Hàros ta an dagá sa Cagurangnan yan, asin an gabos na anoman na yaon dian.
27 Con an siysay man sa magña mayó nin pagtubod alocon camo, asín boot camong oniba: comacan camo can gabos na ibugtac sa atubang nindo, day mag hapot sana sa paghonáhoná.
28 Con an siysayman somabi su saindo: ini idinolot sa magña aníto day camo magcacan caiyan sa paguiromdom caitong, nagpatanid caiyan, asín can pagisip: huli ta sa Cagurangnan an dagá asin iyo an nagpanú saiya.
29 An pagcatalastas na sinabi co, bacó an saimo, condi itong sa iba. Háros ta, anong catuyuhan na an sacong libertad paghocoman nin pagcatalastas nin iba?
30 Con aco naquiquinabang sa biyayá, ¿sa anong catuyuban ta pinaglalangbadan aco huli caiyan nagpapasalamat aco?
31 Cayá con commacan camo, ó con ominom camo, ó gomibo camo nin anoman na bagay: guiboha nindo yan gabos sa camurauayan nin Dios.
32 Maguing magña siring camo, na day macapamondó, minsan sa magña Jadios, minsan sa magña gentiles, minsan sa Iglesia nin Dios:
33 Siring man aco sa anoman hinihigñoa co na macaogma sa gabos, day sa paghigñoa can sacuyang paquinabang, condi itong manogñod sa gabos: ta guaning magpacaligtas.
1 Magñag arog camo sa sacó, siring man can pagarog co cay Cristo.
