2 Asin inoomao co camo, magña tugang co, huli ta sa gabos naguiguíromdoman aco níndo: asin rinirimpos nindo an sacong magña tocdó, síring sa pagcatocdoan co caiyan sa saíndo.
3 Alagad boot co na camo macatalastas, na si Cristo yo an Payo nin gabos na lalaqui: asin an lalaqui yo an payo nin babae patin an Dios yo an payo ni Cristo.
4 An gabos na lalaqui na nagñagñadié, ó nagsaysay nin hulit na may tahob ó soclob an payo, sinosopog an saiyang payo.
5 Asin an gabos na babae na nagñagñadie, ó naghuhulit na daing colbong an payo, sinosopog an payo nía: haros ta síríng baga sa inopauan sia.
6 Háros ta con day nagcolbong an babae, pomaupao man. Tara con sarong casopganan na magupao nin bohoc an babae colbogñan an payo nía.
7 An lalaqui sa catotoohan day maninigó na tahuban an payo nia huli ta ladauan asin camurauayan nin Dios: alagad an babae yo an camurauayan nón kalaqui.
8 Háros ta day linalang an lalaquí sa herog nin babae, condi an babae sa herog nin lalaquí.
9 Háros ta day linalang an lalaquí huli sa babae, condi an babae huli sa lalaquí
10 Cayá maninigó an babae na igua nin tanda nin saiyang capangyarihan sa ibabao nin saiyang payo, huli sa magña ángeles.
11 Alagad day mayó minsan an lalaquí con mayó an babae, asin mínsan man an babae con mayó an lalaqui dian sa Cagurangnan.
12 Háros ta como an babae línalang halé sa lalaqui, síring man sana an lalaqui huli sa babae: alagad an gabos na magña bagay anan na guican sa Dios.
13 Paghonáhoná camo sa saíndo man sana: ¿magayon dao na an babae mamíbí sa Díos na mayó nin colbong sa payo?
14 Na minsan an caugalian man sana, day nagtotocdó sa saindo na macacasosopog sa lalaqui an pagpatobó nin bohoc?
15 Alagad suhi ta macacagayon sa babae an pagpatobó nin bohoc, háros ta an bohoc itinalaga sa saínda na bilang colbong.
