9 Gñunian nagoogma aco, bacong luli ta nagcamorondó camo, condi na pinamondó camo manogñod sa pagsolsol; háros ta pinamondó camo siring sa boot nin Dios, tagnaning day nin anoman na mauará ó madáy na pagtíoson camo dapit sa samuyá..
10 Háros ta an colog na iyo itong sa cabótan nin Dios, nacaca-sadol sa pagsolsol na icacarahay, na iyan day sucat ipagmondó ó pagbasolan; alagad an pagcolog nin panahon ó sa panahon nacacagadan.
11 Háros ta uya digdi, ini man sana na sa cabótan nin Dios napamondó camo, labilabi an paghigñoa na guinibo sa saindo, asin minsan pagñalasag, asin minsan caangotan, asin minsan catacutan, asin minsan daculang pagmauot, patin paghigñat, asin minsan pagbaué. Sa gabos nagpahayag camo na magña matubis dian sa catuyuhan ó guibo.
12 Cayá na, minsan sinuratan co camo, bacong dahelan caito na nagguibo can camudahan, ni dahelan caitong nagtíos caiyan, condi ta gñaning mahayag sa saindo si samuyang paghigñoa manogñod sa saindo sa atubagñan nin Dios.
13 Cayá, minacua cami nin caragñahan dian sa saindong caragñahan alagad labi pa na nagoogma cami huli can caogmahan ni Tito, na nacaguinhaua si saiyang espíritu ó calag dian sa saindo gabos.
14 Cayá con sa cadiquit nagogma aco manogñod sa saiya dapit sa saindo, day aco nasopog; condi gñani, huli ta si gabos na ipinagsabi niamo dapit sa saindo may catotoohan, siring man sana si samuyang camurauayan sa atubang ni Tito naguing catotoohan.
15 Asin an saiyang pusó anan na orog ca panó manogñod sa saindo, con nacacaguiromdom can pagsonod nindo gabos, dapit can pagcaacoa nindo sa saiya sa catacutan asin sa pagtaquig.
16 Naoogma aco na sa gabos nananarig aco sa saindo.
1 Siring man sana, magña tugang, pinapatalastas niamo sa
