magña tugang, iyo sinda si magña sinogó nin magña Iglesias,
asin anan na iyo an camurauayan nin Cristo.
24 Magpahayag nangayod camo sa sainda sa atubang nin magña Iglesias can sacsi ó catotoohan nin saindong pagcamoot, asin dapit can samuyang camurauayan manogñod sa saindo.
1. Háros ta manogñod sa paguauaras sa magña santos, day na caipuhan na magsurat pa aco sa saindo;
2 Háros ta nanimidbid co an saindong madaleng boot, na dapit caiyan nacacapanagsag aco sa magña taga Macedonia, na an Acaya nacacaaram na poon pa can taon na nacaágui; asin si saindong padára nacasadol sa cadaclan.
3 Alagad isinobol co si magña tugang, tagñaning an samuyang camurauayan sa saindo day mapahamac sana sa cabtang na ini; tagñaning, siring sa isinabi co, magpacatalastas camo;
4 Tibaad con, si magña Macadonios ó taga Macedonia. magñag padigdi sa sacuyá, asin madatgñan camo na day magña andam, magcasoropog cami sana, sa day pagsabi na camo, caining samong danay na caogmahan.
5 Cayá, naguing bagay na caipuhan co na maquimaherac ó hagaron sa magña tugang na pomadian sinda gñóna sa saindo, asin andamon gñóna si saindong bendicion ó pagcaugay na ipinagtugá caidto, tagñaning maandam na siring sa ugay, asin bacong siring sa caimotan ó pagcaimot.
6 Alagad ini sinasabi co: An nagtatanom nin cacadiquit, magaáni man cacadiquit; asin an nagsasabuag sa pagcaugay, sa pagcaugay man magaáni.
7 An lambang saró tomao siya siring sa capahayagan sa saiyang pusó bacong sa may pagmondó, ó sa may caipuhan; háros ta an Dios namomoot sa nagtataong maogma.
8 Asin macacamhan an Dios sa pacaguibo na magdacol sa saindo an gabos na biyayá; tagñaning, con igua sa guiraray sa gabos na magña bagay caitong anoman ó gabos na maninigó,
