20 Asin nagcaracan an gabos, asin nagcabarasog: asin pigburuhat an magña cabtang na natada, na iguang cagduang cararao na paranô.
21 Asin an inagña nagcaracan iguang limang ribong lalaqui, na day pa cabilang an magña babaye asin magña áqui.
22 Asin tolos man saná si Jesús pinirit an saiyang magña discipulo na magralaog sa sacayán, asin magerenot saiya sa sarong ibong, ta sia magpapalacao pa can magña cadaclan.
23 Asin pacatogoté can magña cadaclán, tominucad sa buquid na nasisiblag, ta mamimibî; asin can banguina, nagsaròsáró sia dihan.
24 Tará an sacayán gñani na sa tahao na nin dagat, asin hinahampas nanggayo nin magña álon; huli ta si doros songsong.
25 Asin sa icaapat na vigilia* nin bangui, si Jesús napaduman sa sainda na naglalacao sa ibabao can dagat.
26 Asin an magña discipulo, can mahiling sia na naglalacao sa ibabao can dagat, nagcatiricbahan, na nagsarabi, fantasma ini, asin nagporoon magcururahao sa tacot.
27 Alagad tolos man saná si Jesús tinarman sinđa, na nagsabi, Manarig camo; aco iyo; day camó magcataracot.
28 Dagñan si Pedro sominimbag na sinabihan sia, Cagurangnan, cun iyo ica, padianon mo acó sa saimo sa ibabao can magña tubig.
29 Asin sia nagsabi, Madiá. Si Pedro gñani luminusad sa sacayan naglacao sa ibabao can magña tubig ta madaman qui Jesús.
30 Alagad pagcahiling nia na macosog an doros, natacot; asin nagpopoón maghirarom, nagcurahao, na sominabi, Cagurangnan, ligtasan acó.
81 Asin tolos man saná si Jesús binonat an camót, quinaptan sia, asin sinabihan sia, Tauo na culang an pagtubod. ¿Tadao ta nagborong-borong ca?
* alas tres nin caagahan.
