9 Siring sa pagcasabi niamo caidto, gñunian man sinasabi niamo liuat: Con iguang saró na mag baretá sa saindo nin ibang Evangelio can napag-camtan-na nindo, sucat na isicual nindo.
10 Tadao ¿pinirit co gñunian an magña tauo ó an Dios? ó naghahanap aco nin icacasondó sa magña tauo? Sa catotoohan, na con mag papasonó pa aco sa magña tauo, day aco maninioripon ni Cristo.
11 Condi ipina-aaram co sa saindo, magña tugang, na an Evangelio na sacuyang pinagbalagñibog, bacong siring sa pagcatauo;
12 Háros ta minsan aco day co iyan quinamtan, day co man iyan inadalan sa tauo, condi ipinahayag ni Jesucristo.
13 Háros ta nagpaca-dagñog-na camo dapit can sacuyang gaué-gaué can sarong panahon duman sa Judaismo ó sa magña cajudiohan, na pinaglalamag co nin macuri an Iglesia nin Dios, asin linalaglag co iyan.
14 Asin nananaog aco sa paquinabang duman sa magña Judios sa cadaclan nin sacuyang magña ca-árog na cahimanua, ta mahigñat nangayod aco can magña catogonan nin sacuyang magña caganác.
15 Alagad can pinagmarhay nin Dios, na isinuhay aco poon pa sa tulac nin sacuyang Iná, asin inapod aco huli can saiyang biyayá,
16 Na ipinahayag an saiyang áquí sa sacuyá, ta gñaning ipaghulit co sia sa tagñá nin si magña Gentiles, dagñan day co ipinaniualá sa laman asin sa dugó,
17 Na day man aco napaduman sa Jerusalem sa magña naguing apóstoles nang enot sa sacuyá; condi na napaduman aco sa Arabia, asin nagbalic naman aco liuat sa Damasco.
18 Dagñan, pacalihis nin tolong taón, napaduman aco sa Jerusalem sa pag-hiling qui San Pedro, asin duduman aco sa saiya may caglimang aldao.
19 Alagad day aco naghiling sa ibapang magña apóstoles, condi qui Jacobo (ó Santiago) na tugang nin Cagurangnan.
20 Asin dapit caining sinusurat co sa saindo, uya na sa atubang nin Cagurangnan day aco nagpuputic.
