21 Dagñan napaduman aco sa magña dagá ó sacop nin Siria asin nin Cilicia ;
22 Asin day aco namidbid sa paghiling sa magña Iglesias can Judea na anan na nasa qui Cristo;
23 Yo sana an nadagñog nindang nasasabi: Na itong can sarong aldao nagpapasaquit nin pag-lamag sa satuyá, gñunian nagbabalagñibog-na can pagtubod na can sarong aldao linalaglag nia iyan.
24 Asin nagpapamurauay sa Dios sinda digdi sa sacuyá.
1 Dagñan nin si macalihis si cagapat na taón, napaduman liuat aco sa Jerusalem sagcod qui Bernabé, ipinagiba coman si Tito.
2 Alagad napaduman aco huli sa pagpahayag, asin ipinag baretá co sa sainda an Evangelio na ipinaghulit co sa magña Gentiles; asin orog na sa magña baga iguang halaga, na day magdalagan nin basang ó nagdalagan naman.
3 Alagad minsan pa si Tito, na na-sa caibahan co, bago sia Griego, day na pirit na magpaturi sia.
4 Asin ini dahel can magña bacong tunay na magña tugang, na nag-panlaog sa hilom sana sa pagmasid can samuyang capangyarihan dian qui Cristo Jesús, sa pacapamugtac sa samuyá sa caoripnan;
5 Na sa sainda minsan pa gayod sa sarong horas day cami matogot na pomasacop, ta gñaning an catotoohan nin Evangelio macapagdanay dian sa saindo.
6 Alagad itong magña baga may tibaad nang halaga (na sinda anan na siring can sarong panahon, day aco labot; an Dios day ina-acó an pag saguin-saguin nin tauo), sa sacuyá sa catotoohan itong baga may halaga, day sinda timinao nin anoman.
7 Condi na can pagcahiling ninda na an Evangelio nin day pagturi ipinaniualá sa sacuyá, siring qui Pedro ipinaniualá man an sa pagturí,
8 (Háros ta si nag pamugtac qui Pedro sa apostolado nin
