pagturi, yo man an nag pamugtac sasacuyá sa magña Gentiles;
9 Asin can pagcahiling can biyaya na iuinaras sa sacuyá, ni Jacobo asin ni Cefas patin ni Juan, na baga sinda iyo an magña harigue, pinasalamatan cami siring sa cairiba, aco asin si Bernabé, asin sinda sa pagturi.
10 An hinagad sana ninda sa samuyá na maguiromdoman niamó an magña dukhá; siring man sana naghigñoa aco sa pagotob.
11 Alagad can pagpasiring ni Pedro digdi sa Antioquia timinumang aco sa atubang nia, huli ta maninigong saguéón.
12 Huli ta can day pa minadatong si nagcapirang magña dapit qui Jacobo, nagcácacan sia sa caibahan nin si magña Gentiles; alagad can pagcadatong na, siminibog asin siminuhay na sia, sa pagcatacot can magña nasa pagturi.
13 Asin sa saiyang pagpabayá, timinogot man si ibang magña Judios; malá gñani ta sagcod si Bernabé na dará man ninda sa saindang capabayaan.
14 Tara can mahiling co na day sinda naglalacao nin matanos sonó sa catotoohan nin Evangelio, sinabihan co si Pedro sa atubang nin gabos: Con ica, na bágo Judio, nabubuhay ca siring sa magña Gentiles asin bacong siring sa Judio ¿ta ano ta pinipirit mo an magña Gentiles na omarog sa judio?
15 Cami an magña Judios sa pagcamundag, asin bacong magña paracasalá sa magña Gentiles,
16 Sa pacatalastas na an tauo day magcacanigó huli sana can magña marhay na gaué sa ley, condi huli can pagtubod qui Jesucristo, cami man nagtubod cami qui Jesucristo, tagñaning papagcanigoon cami huli can pagtubod qui Cristo, asin bacong huli sa magña guibo nin ley; huli ta sa magña guibo nin ley day nin siysay paman na laman na papagcanigoán.
17 Asin con maghihigñoa na quita papagcanigoon qui Cristo, quita man macúcnang magña paracasala, dahil caiyan si Cristo an pinaniualaán dao nin casálan? Day sucat nangayod.
